Daha bir Till Premyer Liqa yolunda

Lüksemburq millisinin futbolçusu karyerasını Azərbaycanda davam etdirə bilər.

TodayPress TV Sportinfo.az-a istinadən xəbər verir ki, Olivye Till ölkəmizdən təklif alıb.

28 yaşlı yarımmüdafiəçi Ukraynanın LNZ klubundan ayrılmağa hazırlaşır. Çerkassı təmsilçisinin rəhbərliyi də müqaviləsi ilin sonuna qədər olan futbolçunu buraxmağa hazırdır.

Till artıq özünə yeni klub axtarışına başlayıb. Onun karyerasını davam etdirmək ehtimalı olan ölkələrdən biri də Azərbaycandır. Ancaq komandanın adı barədə məlumat verilməyib.

Olivye Till LNZ-ə ötən il Türkiyə klubu “Eyüpspor”dan keçib.

Qeyd edək ki, Olivye “Sabah” klubunda çıxış edən Vinsent Tillin qardaşıdır.  

Namiq HUN