Bundesliqada yeni qayda

Bundesliqanın 2025-2026-cı illər mövsümünün oyunlarında hər hissənin sonuna əlavə olunan dəqiqələr artırılacaq.

TodayPress TV xəbər verir ki, avqustun 22-də start götürəcək Almaniya çempionatında yeni qərara əsasən, oyunlarda qeydə alınan vaxt itkisi dəqiq hesablanaraq, hər hissənin sonuna əlavə olunacaq.

Artıq yeni qaydanın ikinci və üçüncü liqalarda tətbiqinə başlanılıb. Hər hissənin sonuna əlavə edilən vaxtın xeyli artdığı müşahidə edilib.

Qeyd edək ki, matçlardakı vaxt itkisi VAR otağındakı hakim tərəfindən hesablanır və qarşılaşmanın baş hakiminə ötürülür.

Namiq HUN