Ali təhsil müəssisələrinə qəbulda hansı dəyişiklik olacaq?
“Ali təhsil müəssisələrinə qəbul üçün müsabiqə şərtlərində hər hansı dəyişiklik nəzərdə tutulmur”.
TodayPress TV xəbər verir ki, mayın 23-də ali təhsil müəssisələrinə qəbul imtahanlarının başlanması ilə əlaqədar keçirilən mətbuat konfransında Dövlət İmtahan Mərkəzinin (DİM) İdarə Heyətinin sədri Məleykə Abbaszadə deyib.
O diqqətə çatdırıb ki, ötən illərdə olduğu kimi, ümumi 200, imtahanın ikinci mərhələsində 100, bəzi ixtisaslar üzrə ümumi 150 və ikinci mərhələ üçün 50 bal toplayanlar ixtisas seçimində iştirak edə biləcəklər.
Bundan başqa, bu il keçirilən tam orta təhsil səviyyəsi üzrə buraxılış imtahanları haqqında danışan sədr ötən illə müqayisədə nəticələrin bir-birinə demək olar ki, uyğun olduğunu vurğulayıb.
“2025-ci ildə imtahanda iştirak edən orta statistik şagirdin balı 132.33, 2024-cü ildə isə 132.09 olub”.
Qeyd edək ki, bu mərhələdə toplanıla biləcək maksimal bal 300-dür.
Töhfə Səməd
