Türkiyənin HİSAR-ı düşmən raketini parça-parça etdi - VİDEO
Türkiyə müdafiə sənayesi növbəti tarixi uğura imza atıb.
TodayPress TV bu barədə Türkiyə KİV-ə istinadən xəbər verir.
Belə ki, sosial mediada Türkiyə istehsalı olan HİSAR-D RF hava hücumundan müdafiə sisteminin düşmən raketini imitasiya edən yüksək sürətli hədəfi havada darmadağın etdiyi anlar əks olunub.
"Roketsan" və "Aselsan" tərəfindən tamamilə yerli imkanlarla hazırlanan sistem, sınaq zamanı alçaq hündürlükdə hərəkət edən gəmiəleyhinə raketi (anti-ship missile) simulyasiya edən PUA-nı tam dəqiqliklə sıradan çıxarıb.
Bu sınağın ən diqqətçəkən tərəfi isə raketin yerli şaquli atış sistemi olan MİDLAS-ın mobil quru platformasından uğurla buraxılması olub.
40 kilometrdən çox mənzilə malik HİSAR-D RF raketi, yüksək manevr qabiliyyəti və radio tezlikli arayıcı başlığı sayəsində Türkiyənin hava məkanının qorunmasında yeni dövrün başladığını bir daha sübut edib.
Müdafiə ekspertləri bu uğurlu sınağı Türkiyənin hərbi texnologiyada xaricdən asılılığı tamamilə bitirmək istiqamətində atdığı ən böyük addımlardan biri kimi qiymətləndirirlər.
Jalə Rövşən
