Tramp ərəb ölkələrinə Qəzzaya ordu göndərməyi təklif edəcək
ABŞ Prezidenti Donald Tramp Nyu-Yorkda keçiriləcək BMT Baş Assambleyasının iclasından sonra ərəb liderləri ilə görüşərək onlara Qəzza zolağına ordu göndərməyi təklif etməyi planlaşdırır.
TodayPress TV xəbər verir ki, bu barədə “Axios” nəşri mənbələrə istinadən məlumat yayıb.
Bildirilib ki, Ağ Ev artıq Səudiyyə Ərəbistanı, Birləşmiş Ərəb Əmirlikləri, Qətər, Misir, İordaniya və Türkiyə liderlərinə görüş üçün dəvət göndərib.
Tramp administrasiyası dəvət edilən ərəb və müsəlman ölkələrinin Qəzza zolağı üçün müharibədən sonrakı planlarda iştirak etməsini və bölgədə sabitliyi təmin etmək məqsədilə ordu göndərməsini istəyir. Bu qüvvələrin İsrail əsgərlərinin yerini alması nəzərdə tutulur.
Aysel Mətləb
