Tehran İsrailə raket atılması ilə bağlı ittihamları rədd etdi

İran tərəfi atəşkəsin elan olunmasından sonra guya İsrailə öz ərazisindən raket atıldığına dair yayılan məlumatları təkzib edib.

TodayPress TV xəbər verir ki, bu barədə İranın dövlət televiziya və radio şirkəti rəsmi açıqlama yayıb.

Məlumatda bildirilir ki, İran ərazisindən İsrailə heç bir raket buraxılmayıb və bu iddialar “əsassız”dır.

İddialar ilk olaraq İsrailin müdafiə naziri İsrael Katz tərəfindən səsləndirilib. O, İranın atəşkəsi pozduğunu bildirərək, İsrail ordusuna Tehrana qarşı yeni və güclü zərbələrin endirilməsi barədə göstəriş verdiyini açıqlayıb.

Hazırda tərəflər arasında gərginlik yenidən artmaqda davam edir.

Qiymət Mahir