Mutarika yenidən Malavi prezidenti seçildi
Malavinin keçmiş Prezidenti Piter Mutarika yenidən prezident seçkilərində qalib gəlib.
TodayPress TV xəbər verir ki, bu barədə "Reuters" məlumat yayıb.
O, etibarlı səslərin 56%-dən çoxunu toplayaraq ilk turda qələbə qazanıb. Hazırkı Prezident Lazarus Çakvera isə 33% səs toplayaraq seçkilərdə uduzub.
Beləliklə, seçicilər Çakveranın rəhbərliyi altında son beş ildə dərinləşən iqtisadi böhran fonunda dəyişiklik istədiklərini göstəriblər.
Qeyd edək ki, Malavi Afrika qitəsinin cənub-şərqində yerləşən, dənizə çıxışı olmayan bir ölkədir. Malavi dünyanın ən yoxsul ölkələrindən biri hesab olunur.
Türkan İsgəndərli
