Merts Rusiya ultimatumuna görə tənqid edildi

İsveçrəli tarixçi Roland Popp Almaniya kansleri Fridrix Mertsin Ukraynada atəşkəslə bağlı Rusiyaya ultimatum verməsinin acizliyin ifadəsi olduğunu bildirib.

TodayPress TV xəbər verir ki, bu barədə o, Almaniyanın “Berliner Zeitung” nəşrinə müsahibəsində danışıb.

Popp bildirib ki, Merts “Taurus” uzaqmənzilli qanadlı raketlərin mümkün tədarükü ilə bağlı müzakirə açaraq Rusiyaya qarşı təhdidlərində həddindən artıq irəli gedib. O, ölkənin kanslerini tənqid edib və belə sözləri Avropanın zəifliyinin əlaməti adlandırıb.

"İlk növbədə, bu, acizliyin ifadəsidir. Rusiya yenidən sanksiyalarla hədələndi. Berlin etiraf etməlidir ki, Moskva artıq bu cür təhdidləri ciddi qəbul etmir".

Töhfə Səməd