Mehdi Nasiri: "İran rəsmiləri xəstəxanalarda gecələyir"
İran hökumətinin bəzi rəsmiləri İsrailin mümkün hücumu qorxusundan xəstəxanalarda və gizli sığınacaqlarda gecələyirlər.
TodayPress TV xarici KİV-ə istinadən xəbər verir ki, bu barədə jurnalist və yazıçı Mehdi Nasiri məlumat verib. Onun sözlərinə görə, rəsmilər 7 oktyabr hadisələrindən sonra İsrailin onları hədəf ala biləcəyindən ehtiyat edirlər.
Nasiri əlavə edib ki, hökumət nümayəndələri daim təşviş içindədir və İsrailin növbəti hücumuna qarşı aciz qalacaqlarını düşünürlər. O, həmçinin İran İslam Respublikasının çöküş təhlükəsi altında olduğunu bildirib.
Qeyd edək ki, Mehdi Nasiri əvvəllər “Keyhan” qəzeti və “Sübh” həftəliyində müxtəlif redaksiya və idarəçilik vəzifələrində çalışıb.
Jalə Rövşən
