Litva Belarusa qarşı iddia qaldırdı
Litva Belarus miqrant axınını məqsədli şəkildə təşkil etməkdə ittiham edərək Haaqadakı BMT-nin Beynəlxalq Məhkəməsinə rəsmi iddia təqdim edib.
TodayPress TV xəbər verir ki, bu barədə Litvanın Xarici İşlər Nazirliyi məlumat yayıb.
Bildirilib ki, iş BMT-nin quru, dəniz və hava yolu ilə qeyri-qanuni miqrant daşınmasına qarşı Protokolunun pozulması ilə bağlıdır.
Vilnüs iddia edir ki, Belarus hakimiyyəti miqrantların Litva sərhədinə yönləndirilməsini təşkil edib və onları sərhədə qədər müşayiət edib.
Litva tərəfi Minskdən dəymiş ziyanın tam ödənilməsini, o cümlədən sərhəd səddinin inşası üçün çəkilən xərclərin kompensasiya olunmasını tələb edir.
Qiymət Mahir
