Kanadada təyyarə qəzasında 4 nəfər öldü
Kanadanın Manitoba əyalətində baş vermiş kiçik təyyarə qəzası nəticəsində 4 nəfər həyatını itirib, 1 nəfər isə yaralanıb.
TodayPress TV xəbər verir ki, bu barədə "CTV" telekanalı məlumat yayıb.
Hadisə əyalətin şimalında, az məskunlaşan ərazidə yerləşən Meykpis gölü yaxınlığında baş verib. Təyyarənin qalıqlarının axtarışı üçün əraziyə helikopter göndərilib.
Polisin verdiyi məlumata görə, qəzadan yalnız pilot sağ çıxıb və o, ağır yaralı vəziyyətdə xəstəxanaya çatdırılıb. Təyyarədə olan digər 4 sərnişin isə hadisə yerində ölüb.
Qəzanın səbəbləri ilə bağlı araşdırma aparılır.
Türkan İsgəndərli
