Kanada ABŞ-nin “Qızıl Qübbə”sinə qoşulmaq istəyir
Kanada hökuməti ABŞ prezidenti Donald Trampın elan etdiyi “Qızıl Qübbə” raketdən müdafiə sisteminə qoşulmaq üçün Vaşinqtonla danışıqlara başlayıb.
TodayPress TV xəbər verir ki, bu barədə "New York Post" məlumat yayıb.
Kanadanın Baş naziri Mark Karni məsələyə münasibət bildirərək, belə bir müdafiə təşəbbüsünün ölkə üçün müsbət addım olduğunu deyib.
O əlavə edib ki, yaxın gələcəkdə Kanada kosmosdan gələn potensial raket təhlükələri ilə üzləşə bilər. Məhz bu səbəbdən rəsmi Ottava ABŞ ilə yüksək səviyyəli danışıqlara başlayıb.
Qeyd edək ki, “Qızıl Qübbə” sistemi ABŞ tərəfindən yaxın illərdə yaradılması planlaşdırılan və mümkün hava, raket və kosmik hücumlara qarşı qoruma məqsədi daşıyan genişmiqyaslı müdafiə platformasıdır.
Türkan İsgəndərli
