İsrail Qəzza sakinlərinə təxliyə çağırışı etdi
İsrail Müdafiə Qüvvələri (İMQ) Qəzza zolağında yaşayan mülki əhalini döyüş əməliyyatlarının yenidən başlaması səbəbilə bölgəni tərk etməyə çağırıb.
TodayPress TV xəbər verir ki, İMQ-nin mətbuat xidməti yayımladığı bəyanatda atəşkəsin dəfələrlə pozulduğunu və bu gün səhər HƏMAS döyüşçülərinin hücum həyata keçirdiyini bildirib.
Məlumatda qeyd olunub ki, İsrail ordusu HƏMAS-ın silahlı strukturlarına qarşı genişmiqyaslı əməliyyatlara başlayacaq:
“Vətəndaşların təhlükəsizliyi naminə xəbərdarlığımızı təkrarlayırıq: yalnız sarı xəttin qərb hissəsində qalmaq məsləhətdir. Qırmızı ilə göstərilən ərazi aktiv döyüş zonasıdır. Orada qalan hər kəsin dərhal qərbə doğru təxliyə olunması tələb olunur”.
