İsrail ordusu Suriyanın cənubunda reyd keçirdi

İsrail hərbçiləri Suriyanın cənubunda, Hader kəndi yaxınlığında reyd həyata keçirib.

TodayPress TV xəbər verir ki, bu barədə ordunun mətbuat xidməti məlumat yayıb.

Məlumata görə, əməliyyatın məqsədi silah qaçaqmalçılığının qarşısını almaq olub. Əraziyə daxil olan hərbçilər silah alverində şübhəli bilinən bir neçə şəxsi dindirib və tapılan silahları müsadirə ediblər.

Bildirilib ki, 210-cu diviziyanın qoşunları bölgədə yerləşdirilib və İsrail mülki əhalisinin, xüsusən də Colan təpələrində yaşayanların təhlükəsizliyini təmin etmək məqsədilə fəaliyyətlərini davam etdirirlər.

Türkan İsgəndərli