İrandan 107 pakistanlı təxliyə edildi

İranda hava məkanının bağlanması səbəbilə bölgədə qalan 107 Pakistan vətəndaşı təhlükəsiz şəkildə vətənə qaytarılıb.

TodayPress TV xəbər verir ki, Pakistan Beynəlxalq Hava Yolları (PIA) tərəfindən təşkil olunan xüsusi təxliyə reysi iyunun 18-də  İslamabada enib.

Təxliyəyə səbəb bölgədəki münaqişə və İran hava məkanının bağlanması olub.

PIA-nın yaydığı rəsmi açıqlamada bildirilir ki, təxliyə olunan şəxslər əvvəlcə İran ərazisindən quru yolla Türkmənistanın paytaxtı Aşqabada çatdırılıb, oradan isə İslamabada xüsusi reys təşkil edilib.

Pakistanın İrandakı və Türkmənistandakı səfirlikləri təxliyənin təşkilində yaxından əməkdaşlıq edib.

Qiymət Mahir