İran ABŞ-nin siyasətini tənqid etdi

İran Xarici İşlər Nazirliyinin sözçüsü İsmail Bəqayi ABŞ-nin siyasətini sərt şəkildə tənqid edib.

TodayPress TV xəbər verir ki, o, "IRNA" agentliyinə açıqlamasında bildirib ki, Vaşinqton BMT Nizamnaməsini kobud şəkildə pozur və diplomatiya prinsiplərinə zidd addımlar atır.

Nazirlik sözçüsü həmçinin ABŞ-nin İranın dinc nüvə obyektlərinə qarşı mümkün hərbi müdaxiləni təşviq etməsini qəbuledilməz adlandırıb. Onun sözlərinə görə, Tehran belə hərbi ritorikaya və addımlara heç bir hüquqi və ya siyasi əsas olmadığını vurğulayır.

İran tərəfi bildirib ki, təzyiq və təhdid yolu ilə danışıqlar aparmaq diplomatiyanın ruhuna ziddir.

Türkan İsgəndərli