Gürcüstandan Yaxın Şərqə uçuşlar ləğv edildi

İsrail və İran arasında artan gərginlik səbəbindən yalnız bu iki ölkəyə deyil, Yaxın Şərqin digər ölkələrinə də Gürcüstandan həyata keçirilməli olan aviareyslər ləğv edilib.

TodayPress TV xəbər verir ki, bu barədə "Sputnik Gürcüstan"a Tbilisi Beynəlxalq Hava Limanının qaynar xəttindən məlumat verilib.

Yerli KİV bildirib ki, bölgədəki vəziyyətin kəskinləşməsi fonunda Tbilisidən 12, Batumidən isə 7 aviareys ləğv olunub.

Hazırda İsrail və İranın hava məkanları bu ölkələrin mülki aviasiya orqanlarının qərarı ilə kommersiya təyyarələrinin uçuşları üçün bağlıdır.

Bununla yanaşı, İsrailin İrana endirdiyi zərbələrdən sonra İordaniya da müvəqqəti olaraq hava məkanını bağlayıb.

Töhfə Səməd