Britaniya Rusiyaya qarşı sanksiyaları genişləndirdi

Britaniya Rusiya əleyhinə sanksiyalar siyahısını genişləndirib. Siyahıya Qırğızıstanın 4 şirkəti və 3 şəxs, həmçinin Lüksemburqun “Altair Holding” şirkəti daxil edilib.

TodayPress TV xəbər verir ki, yeni sanksiyalar "Grinex", "Tengricoin", "Old Vector", "Capital Bank of Central Asia MMC"ni və onların rəhbərlərini əhatə edir.

Britaniya Xarici İşlər Nazirliyi bildirir ki, bu addımlar Ukraynanın sabitliyinə zərər vurmaq və onun suverenliyini pozmaq məqsədi ilə bağlıdır.

Rusiya 21 Britaniya vətəndaşına qarşı cavab sanksiyaları tətbiq edib.

Qeyd edək ki, Avropa İttifaqı isə 28-30 avqustda 19-cu sanksiya paketini müzakirə edəcək.

Türkan İsgəndərli