Belarusda uşaq düşərgəsində yanğın baş verdi: Xəsarət alanlar var

Belarusun Minsk vilayətində uşaq sağlamlıq düşərgəsində baş verən yanğında 3 nəfər xəsarət alıb.

TodayPress TV xəbər verir ki, bu barədə Belarus Fövqəladə Hallar Nazirliyinin "Telegram" kanalında məlumat verilib . 

"Düşərgənin əməkdaşları təxliyəni həyata keçirib. Hadisə yerində Fövqəladə Hallar Nazirliyinin 5 texnikası işləyir", - məlumatda deyilir.

Mətbuat xidmətinin məlumatına görə,  yanğının söndürülməsi zamanı şəxsi heyətdən 3 nəfər xəsarət alıb. Onlar tüstüdən zəhərləndikləri üçün xəstəxanaya yerləşdiriliblər. Binadan 120-si uşaq olmaqla 132 nəfər təxliyə edilib.

Yanğının səbəbləri məlum deyil.