ABŞ və Çin ticarət sazişlərinin müddətini uzatmaq üçün danışıqlar aparacaq

Amerika Birləşmiş Ştatları və Çin cari ticarət sazişlərinin müddətinin uzadılması məsələsini gələn həftənin əvvəlində İsveçin paytaxtı Stokholmda müzakirə edəcəklər.

TodayPress TV xəbər verir ki, bu barədə ABŞ maliyyə naziri Skott Bessent “Fox Business” telekanalına verdiyi açıqlamada məlumat verib.

“Çinlə mövcud sazişin müddəti 12 avqustda başa çatır. Mən iyulun 28 və 29-u Stokholmda çinli həmkarlarımla görüşəcək və sazişin uzadılması üzərində çalışacağam”, - deyə o bildirib.

Nazirin sözlərinə görə, hazırda ABŞ-Çin ticarət əlaqələri çox yaxşı vəziyyətdədir.

Töhfə Səməd