Ümumi xəritə ilə tikinti aparmaq olmaz — Seysmoloqdan AÇIQLAMA
“Mövcud zəlzələ riski xəritələri ümumi statistik məlumatlara əsaslanır”.
AMEA nəzdində RSXM-nin baş direktoru, AMEA-nın müxbir üzvü, professor Qurban Yetirmişli bunu TodayPress TV-nin sualını cavablandırarkən deyib.
O bildirib ki, bu xəritələrdə 50 illik zaman kəsiyində müxtəlif faiz dərəcəli (2%, 5%, 10%) risk ehtimalları əks olunur. Lakin mütəxəssis vurğulayıb ki, bu məlumatlar yalnız baza rolunu oynayır:
“Respublika səviyyəsində hazırlanan ümumi xəritələr konkret bir binanın inşası üçün yetərli deyil, çünki ümumi məlumatdır. O cür xəritə ilə tikinti aparmaq olmaz. Baza məlumatı olsa da, hər bir tikinti üçün ayrıca tədqiqat aparılmalıdır”.
Qurban Yetirmişli qeyd edib ki, təhlükəsizliyi təmin etmək üçün hər bir inşaat layihəsindən əvvəl ərazinin seysmik vəziyyəti dərindən öyrənilməlidir. O, xüsusilə dərinlik və torpaq qatının xüsusiyyətlərinin ayrıca tədqiq edilməsinin və real vəziyyətin sənədlərdə dəqiq göstərilməsinin vacibliyini diqqətə çatdırıb.
Qiymət Mahir
