Ürək sağlamlığını qorumaq üçün sadə addımlar

Ürək-damar xəstəlikləri dünyanın ən geniş yayılmış sağlamlıq problemlərindəndir və bu xəstəliklərin qarşısını almaq üçün gündəlik həyat tərzində dəyişikliklər etmək vacibdir.

TodayPress TV xəbər verir ki, ürək sağlamlığını qorumaq üçün balanslı qidalanma, müntəzəm fiziki fəallıq və zərərli vərdişlərdən, xüsusilə siqaret çəkməkdən uzaq olmaq əsas şərtdir. 

Hər gün ən az 30 dəqiqə yüngül idman növü ilə məşğul olmaq, məsələn, gəzmək və ya velosiped sürmək ürəyin işini gücləndirir.

Qan təzyiqinin və xolesterol səviyyəsinin müntəzəm nəzarəti, stressin idarə olunması və kifayət qədər yuxu almaq da ürək xəstəliklərinin riskini azaltmaqda mühüm rol oynayır.

Yadda saxlamaq lazımdır ki, ürək sağlamlığı üçün profilaktika müalicədən daha təsirli və uzunmüddətlidir. Bu səbəbdən sağlam həyat tərzi vərdişlərini mənimsəmək hər kəs üçün vacibdir.

Türkan İsgəndərli