Sumqayıtda körpə vəfat edib – TƏBİB-dən AÇIQLAMA

01 avqust 2025-ci il tarixində saat 04:20 radələrində Sumqayıt Tibb Mərkəzinin Uşaq Xəstəxanasına 2025-ci il təvəllüdlü (kişi cinsli) körpə hospitalizasiya olunub.

Bu barədə TƏBİB-dən TodayPress TV-yə verilən məlumata görə, azyaşlıya yuxarı tənəffüs yollarının kəskin infeksiyası, dəqiqləşdirilməmiş pnevmoniya, kəskin respirator çatmazlıq, dəqiqləşdirilməmiş qaraciyər çatmazlığı və maddələr mübadiləsinin pozulması kimi ağır diaqnozlar qoyulub.

Vəziyyəti kritik qiymətləndirilən körpə dərhal Reanimasiya şöbəsinə yerləşdirilib.

Həkimlərin səylərinə baxmayaraq, 02 avqust tarixində saat 14:30 radələrində uşaq beyin ödəmi səbəbindən həyatını itirib.

Faktla bağlı aidiyyəti üzrə araşdırmalara başlanılıb.

Türkan İsgəndərli