Gecələr həddindən artıq tərləmənin səbəbi açıqlandı
"Orqanizmdəki daxili proseslər səbəbindən gecələr insanlara isti ola bilər".
TodayPress TV xəbər verir ki, bu barədə diyetoloq Kollin Foqarti-Dreyper "HuffPost" nəşrinə müsahinəsində danışıb.
O, həddindən artıq tərləmə səbəbindən gecəyarısı oyanmaların səbəbini açıqlayıb.
Kollin Foqarti-Dreyper qeyd edib ki, bu cür simptomlar daha çox qadınlarda özünü göstərir və termorequlyasiyaya təsir edən hormonların dalğalanmaları ilə izah olunur. Onun sözlərinə görə, estrogen və progesteron səviyyələrindəki kiçik dəyişikliklər belə orqanizmin funksiyalarını poza, həddindən artıq istiləşmə hissi və yuxu zamanı yüksək dərəcədə tərləmə yarada bilər.
O əlavə edib ki, stres vəziyyəti daha da ağırlaşdıra bilər, çünki kortizol səviyyəsinin yüksək olması da yuxuya təsir edir və həddindən artıq istiləşmə hissini artırır.
Bu xoşagəlməz simptomu azaltmaq üçün diyetoloq yataq otağında sərin temperaturu saxlamağı, yuxu üçün yüngül geyimlər seçməyi tövsiyə edib.
Onun sözlərinə görə, əgər bu cür hal yatmağa mane olarsa, bu barədə həkimə məlumat vermək lazımdır.
