Dondurma, yoxsa dondurulmuş yoqurt: Hansı daha yaxşıdır?

Dietoloqların fikrincə, dondurulmuş yoqurt hər zaman dondurmadan daha sağlam seçim deyil. Xüsusilə qan şəkərinə təsiri baxımından məhsulun tərkibindəki şəkər, zülal və yağ miqdarına diqqət etmək lazımdır.

TodayPress TV bu barədə UNİAN-a istinadən xəbər verir.

Mütəxəssislər bildirirlər ki, yarım stəkan vanilli dondurulmuş yoqurtda orta hesabla 17 qram şəkər, 3 qram zülal və 4 qram yağ olur. Adi dondurmada isə eyni porsiyada təxminən 14 qram şəkər, 7 qram yağ və 2,5 qram zülal var.

Yağ şəkərin qana daha yavaş sorulmasına kömək etdiyi üçün bəzi hallarda adi dondurma qan şəkərində daha tədricən artıma səbəb ola bilər.

Bununla belə, mütəxəssislər hər iki desertin kiçik porsiyada qəbul edilməsini və ümumi qidalanma balansına diqqət yetirməyi tövsiyə edirlər.

Kübra Musayeva