Alimlər kökəlmənin psixi sağlamlığa təsirini araşdırdı

Bir çox insan, xüsusilə də bariatrik əməliyyat keçirmiş şəxslər, artıq çəkiyə görə cəmiyyətin göstərdiyi təzyiqin – yəni çəkiyə görə stiqmatizasiyanın onların psixi sağlamlığına ciddi zərər vurduğunu bildirir.

TodayPress TV xəbər verir ki, bu barədə "Live Science" yazıb. 

Araşdırmalara əsasən, real dəyişiklik yalnız çəkidə azalma ilə deyil, çəkiyə görə olan qərəzli münasibətin azalması ilə mümkündür. Psixoloq komandası yüzdən çox pasiyenti izləyib və müəyyən edib ki, əməliyyatdan sonra özünü daha az mühakimə olunmuş hiss edənlər depressiyadan, təşvişdən və qidalanma pozuntularından daha az əziyyət çəkib. Əksinə, cəmiyyətin təzyiqi davam edən şəxslərdə psixi problemlər azalmayıb.

Məsələn, bir qadın məktəb vaxtı arıqladığı üçün qəzetlərə çıxıb, lakin çəkisi geri qayıtdıqda onu yenidən qınamağa başlayıblar. O, bu prosesin onu dərin depressiyaya və intihara sürüklədiyini deyir.

Mütəxəssislər vurğulayıb ki, bədən ölçüsünə görə mühakimə cəmiyyətin yanlış təsəvvürlərindən qaynaqlanır. Halbuki çəkiyə təsir edən faktorlar arasında genetika, psixi vəziyyət və sosial mühit də var. Ona görə də kökəlməyə qarşı mübarizə təkcə tibbi deyil, eyni zamanda sosial yanaşmanı da dəyişməyi tələb edir.

Qiymət Mahir