13 yaşından əvvəl telefondan istifadə psixoloji risk yaradır

13 yaşından əvvəl ağıllı telefon sahibi olmaq, erkən yetkinlik dövründə ciddi psixoloji sağlamlıq problemləri ilə yarada bilər. 

TodayPress TV xəbər verir ki, bu barədə dünya üzrə 100 mindən çox gəncin qatıldığı bir araşdırma aparılıb. 

Nəticələrə görə, bu yaşda telefona sahib olanlar 18–24 yaş aralığında intihar düşüncələri, aqressiya, reallıqdan uzaqlaşma, emosional nəzarətin itirilməsi və özünə dəyərin aşağı olması kimi problemlərlə üzləşirlər. 

Araşdırma, bu mənfi nəticələrin xüsusilə erkən yaşda sosial şəbəkələrdən istifadə, kibertəzyiqə məruz qalma, yuxu rejiminin pozulması və ailə münasibətlərinin zəifləməsi ilə bağlı olduğuna diqqət çəkib. 

13 yaşında telefon sahibi olanların psixi sağlamlıq balı orta hesabla 30 ikən, 5 yaşında telefon sahibi olanlarda bu göstərici cəmi 1 olub. 

Alimlər bildirib ki, alkoqol və tütünlə bağlı qadağalara bənzər şəkildə, 13 yaşdan kiçik uşaqların ağıllı telefona çıxışının məhdudlaşdırılması vacibdir. İnkişaf etməkdə olan beyinlər onlayn mühitdən daha dərin şəkildə təsirlənir.  

Araşdırmada bəzi ölkələrin uşaqların telefon istifadəsini məhdudlaşdırdığı da xatırladılıb. Fransa, Hollandiya, İtaliya, Yeni Zelandiya, ABŞ-də Nyu-York, Alabama və Oklahoma kimi ştatlarda məktəblərdə telefon istifadəsinə qadağalar tətbiq edilib.  

Aysel Mətləb