106 yaşlı kral ailəsi ilə əlaqəli britaniyalı qadın uzunömürlülüyünün sirrini açıqlayıb.

TodayPress TV xəbər verir ki, bu barədə "GB News"  məlumat yayıb.

Böyük Britaniyada kral ailəsi ilə əməkdaşlıq etmiş 106 yaşlı Betti Verri doğum gününü qeyd edib və uzunömürlülüyünün sirrini bölüşüb.

Betti Verri 1920-ci ildə Derbişirdə anadan olub. O, 14 yaşında, XVIII əsrin ortalarından fəaliyyət göstərən və xüsusilə kral sarayına süfrə qabları və digər məmulatlar təqdim edən Royal Crown Derby şirkətində zərgərlik üzrə şagird kimi işə başlayıb. Verri qısa müddətdə çini məmulatlarının hazırlanmasını və onların qiymətli metallarla bəzədilməsini mənimsəyib. O, VIII Eduard və VI Georqun tacqoyma mərasimləri üçün hazırlanan çini aksesuarların yaradılmasında da iştirak edib.

İkinci Dünya müharibəsi illərində britaniyalı qadın təyyarə istehsalı sahəsində çalışıb, daha sonra isə öz zərgərlik məktəbini yaradıb. 1972-ci ildə Verri Royal Crown Derby Muzeyinin kuratoru vəzifəsinə təyin olunub.

Hazırda 106 yaşlı Betti Verri Nottinqemdə yerləşən qocalar evində yaşayır. O, uzun və xoşbəxt həyatının sirrini belə izah edib:

“Royal Crown Derby-də karyerama başlayanda səyahət etməyi çox sevirdim. Amma düşünürəm ki, uzun və xoşbəxt həyatın əsas sirri sadəcə zəhmətkeş olmaqdır.”

Jalə Rövşən 

TodayPress TV