Mingəçevir su anbarında itkin düşən 5 nəfər tapıldı
3 gündür Mingəçevir su anbarı ərazisində itkin düşən və köməksiz vəziyyətdə qalan 5 nəfərin yeri müəyyən edilib.
TodayPress TV xəbər verir ki, Fövqəladə Hallar Nazirliyi-nin Aran Dalğıc Axtarış qrupu tərəfindən aparılan axtarışlar nəticəsində Ağdaş rayonu sakinləri olan 5 nəfər kişi tapılıb. Onların hamısının vəziyyətinin yaxşı olduğu bildirilir.
Hazırda xilasedicilər həmin şəxslərin təhlükəsiz əraziyə çıxarılması istiqamətində tədbirlər görür.
Məlumata görə, şəxslər balıq tutmaq məqsədilə əraziyə gəlib və sonradan köməksiz vəziyyətdə qalıblar. Onlar su anbarının Goranboy rayonu ərazisindən keçən hissəsində aşkarlanıblar.
