“Formula-2”dən böyük səhnəyə: Leonardo Fornaroli hiperkar sükanında!
“Formula-2”nin hazırkı çempionu Leonardo Fornaroli 2027-ci il mövsümündə dözümlülük yarışları üzrə dünya çempionatında (WEC) britaniyalı istehsalçının heyətində çıxış edəcək.
TodayPress TV xəbər verir ki, bunu “Maklaren” komandası rəsmi olaraq elan edib.
İtaliyalı sürücü 2027-ci ildə “McLaren MCL-HY” hiperkarının sükanı arxasında WEC-də debüt edəcək və o cümlədən əfsanəvi “Le-Manın 24 saatı” marafonunda qüvvəsini sınayacaq.
Onunla birlikdə komandada Mikkel Yensen, Aleks Linn və 2024-cü il WEC çempionu Lorens Vantxor mübarizə aparacaqlar.
Fornaroli bu keçidlə yanaşı, “Maklaren”in “Formula-1” komandasının ehtiyat pilotu vəzifəsini də qoruyub saxlayacaq.
“Maklaren”in hiperkar komandasına keçmək karyeramda inanılmaz dərəcədə vacib və həyəcanverici addımdır. Ehtiyat pilot kimi fəaliyyətimin mənə belə gözəl imkan yaratdığına görə minnətdaram”, – deyə Fornaroli qeyd edib.
Namiq HUN
