Avropa Ukraynanı Rusiya raketlərindən necə qoruyacaq?

Avropa Ukraynanı Rusiya raketləri barədə əvvəlcədən xəbərdar edə bilər.

TodayPress TV xəbər verir ki, ABŞ ordusunun Avropadakı keçmiş komandanı, general Ben Hodges Avropa ölkələrinin Vaşinqtondan asılı olmadan Ukraynanı Rusiyanın ballistik raket hücumları barədə əvvəlcədən xəbərdar etmək imkanına malik olduğunu bildirib.

Hodgesin sözlərinə görə, ABŞ-nin istifadə etdiyi kəşfiyyat məlumatlarının əhəmiyyətli hissəsi müttəfiq ölkələrdən əldə edilir. O qeyd edib ki, Fransa, Almaniya, Böyük Britaniya, Polşa və Finlandiya Ukraynaya Rusiyanın ballistik raket buraxılışları barədə qabaqcadan məlumat verməyə kömək edə biləcək imkanlara sahibdir.

General hesab edir ki, bu istiqamətdə əsas maneə texnoloji çatışmazlıq deyil, kəşfiyyat məlumatlarının paylaşılması ilə bağlı siyasi iradədir.

Hodgesin qiymətləndirməsinə görə, Avropa ölkələri arasında kəşfiyyat əməkdaşlığının gücləndirilməsi ABŞ ilə məlumat mübadiləsinin zəiflədiyi təqdirdə Ukraynanın təhlükəsizliyinin təmin olunmasında mühüm rol oynaya bilər. Bu, Kiyevin Vaşinqtondan asılılığını azaltmaqla yanaşı, Rusiya raket hücumlarına qarşı erkən xəbərdarlıq imkanlarını da genişləndirə bilər.

Jalə Rövşən