Di Maria "Benfika"nı tərk edir
Portuqaliyanın "Benfika" klubunun yarımmüdafiəçisi Anxel Di Maria yayda komandanı tərk edəcək.
TodayPress TV xəbər verir ki, bu barədə 37 yaşlı futbolçu özü sosial şəbəkə hesabında bildirib.
Argentinalı oyunçu klublararası dünya çempionatı zamanı komandanın heyətində yer almayacaq.
Onun Lissabon kollektivi ilə olan müqavilə müddəti iyunun 30-da başa çatır.
Qeyd edək ki, 2023-cü ildən "Benfika"da çıxış edən Di Maria cari mövsüm 39 oyun keçirib, 15 qol vurub və 10 məhsuldar ötürmə edib.
