Trampın nüvə qərarı müzakirələrə səbəb oldu
ABŞ Konqresindəki demokratlar Ağ Ev lideri Donald Trampın nüvə sınaqları keçirmək qərarına etiraz ediblər.
TodayPress TV xəbər verir ki, bu barədə "The Hill" nəşri məlumat yayıb.
“Bunu etmək səhv olardı, çünki biz bu addımdan heç nə qazanmayacağıq”, - deyə senator Mark Kelli bildirib.
Onun sözlərinə görə, əgər ABŞ nüvə sınaqları keçirsə, Çin də eyni addımı atacaq və onun "strateji qüvvələri" daha da güclənəcək. Konqresmen bu qərarı Pekin üçün “hədiyyə” adlandırıb.
Xatırladaq ki, bundan əvvəl Tramp nüvə silahı sınaqlarının dərhal keçirilməsi barədə göstəriş verdiyini açıqlamışdı. ABŞ liderinin sözlərinə görə, bu sınaqlar “uyğun proqramlara malik digər ölkələrlə bərabər səviyyədə” aparılacaq.
Aysel Mətləb
