Pakistanda mərmi partlayışı 5 uşağın ölümünə səbəb oldu
Pakistanın şimal-qərbində yerləşən Xayber-Paxtunxva vilayətində mərminin partlaması nəticəsində 5 uşaq ölüb, 13-ü isə yaralanıb.
TodayPress TV xəbər verir ki, hadisə şənbə günü səhər saatlarında Lakki Marvat rayonunda baş verib.
Polis məlumatına görə, uşaqlar dağlıq ərazidə oynayarkən partlamamış bir minaatan mərmisi tapıblar. Onlar mərmi ilə oynamağa başlayanda cihaz partlayıb.
Hadisə nəticəsində beş uşaq hadisə yerində ölüb, yaralananlar isə yaxınlıqdakı xəstəxanaya çatdırılıb.
Polis partlayıcı qurğunun mənşəyini müəyyənləşdirmək üçün istintaqa başladığını bildirib.
Qiymət Mahir
