Çin rəsmisi: "ABŞ-nin məhdudiyyətləri bizi gücləndirir"

"ABŞ-nin Çinin elmi və texnoloji inkişafını dayandırmaq cəhdləri sonda ona irəliləməyə təkan verir"

TodayPress TV xəbər verir ki,  bunu Sankt-Peterburq Beynəlxalq İqtisadi Forumunun (SPIEF) plenar iclasında Çin Xalq Respublikası Dövlət Şurasının baş nazirinin müavini Din Syuesyan deyib.

"Çin son illərdə göstərdi: zərbə daha güclü olan yerdə daha sürətli tərəqqi və daha sürətli inkişaf olacaq", - Din Syuesyan Vaşinqtonun Pekini elmi və texnoloji cəhətdən məhdudlaşdırmaq kursunu şərh edərkən deyib.

"Amerikalılar elmimizin və texnologiyalarımızın inkişafına mane olmağa çalışırlar. Bu, bu gün və ya dünən baş vermədi. Onlar bunu onilliklərdir ki, edirlər, lakin onların bütün cəhdləri yalnız zərbə vurduqları yerdə bizi daha da gücləndirir".

Onun sözlərinə görə, bugünkü məhdudiyyətlər yalnız sabahın inkişafı üçün yaxşı stimul yaradır.