Gündəlik gəzinti xərçəng riskini azaldır

Oksford Universitetinin apardığı araşdırmaya görə, hətta aşağı intensivlikdə belə müntəzəm gəzinti xərçəngə tutulma riskini azalda bilər.   

TodayPress TV xəbər verir ki, araşdırmanın nəticələri “British Journal of Sports Medicine” jurnalında dərc olunub. 

Araşdırma 85 min nəfərin altı il ərzində toplanmış məlumatlarına əsaslanıb. İştirakçılar gündəlik addımlarını və hərəkət müddətini fitnes izləyiciləri vasitəsilə qeyd ediblər. 

Əldə edilən nəticələr göstərib ki, gündə 5000 addım atmaqla xərçəng riski azalmağa başlayır.

Belə ki, 7000 addımda risk 11%, 9000 addımda isə 16% azalır. 

Xüsusilə mədə, qaraciyər, sidik kisəsi, endometrium, ağciyər və baş-boyun xərçəngləri kimi xəstəliklər zamanı yerimək çox faydalıdır.   

Türkan İsgəndərli