Malavi Prezidenti Azərbaycan liderini təbrik etdi
Malavi Respublikasının Prezidenti Lazarus Makkarti Çakver Prezident İlham Əliyevə təbrik məktubu ünvanlayıb.
TodayPress TV xəbər verir ki, təbrikdə deyilir:
"Milli bayramınız - 28 May – Müstəqillik Günü münasibətilə Sizi və Azərbaycan xalqını Malavi hökuməti, xalqı adından və öz adımdan təbrik etməkdən məmnunluğumu bildirirəm.
Fürsətdən istifadə edərək, ölkələrimiz arasında mövcud olan dostluq və əməkdaşlıq əlaqələrinin xalqlarımızın rifahı naminə qarşıdakı illərdə də möhkəmlənəcəyinə ümidimi ifadə edirəm.
Zati-aliləri, Sizə cansağlığı, Azərbaycan xalqına firavanlıq və rifah arzularımı qəbul etməyinizi xahiş edirəm".
