Azərbaycan klubu ikinci oyununda da uduzdu
"Abşeron Lions" basketbol komandası FIBA Avropa Kubokunun əsas mərhələsində növbəti oyununa çıxıb.
TodayPress TV məlumatına görə, Erhan Tokerin baş məşqçisi olduğu kollektiv Bakıda Polşa təmsilçisi "Trefl"lə üz-üzə gəlib.
Bakı İdman Sarayında keçirilən matç rəqibin 99:96 hesablı qələbəsi ilə bitib.
Qeyd edək ki, qrupun digər görüşündə "Neftçi" ötən gün Bakıda Estoniyanın "Kalev" komandasını 95:84 hesabı ilə üstələyib. "Abşeron Lions" ilk qarşılaşmada "Kalev"ə uduzub - 85:93.
