114 yaşlı idmançını maşın vurub öldürdü

Dünyanın ən yaşlı marafonçusu Fauc Sinq Hindistanda dünyasını dəyişib.

TodayPress TV xəbər verir ki, bu barədə "CNN"in məlumat yayıb.

114 yaşlı Sinqi evinin yaxınlığında yolu keçərkən avtomobil vurub. İdmançı xəstəxanaya aparılsa da, avtomobil qəzası nəticəsində aldığı xəsarətlər ölümcül olub. 

Sinq 1911-ci il aprelin 1-də Pəncabda anadan olub. Həyat yoldaşı Yan Kaurun ölümündən sonra Britaniyaya köçüb və oğlu ilə birlikdə Londonda məskunlaşıb. O, 2000-ci ildə, 89 yaşında qaçmağa başlayıb və Londonda ilk marafonunu 6 saat 54 dəqiqəyə qaçıb.