Putindən yeni qərar: Rusları qorumaq üçün ordu göndərilə bilər
Rusiya Prezidenti Vladimir Putin ölkə vətəndaşlarının xarici dövlətlərin məhkəmələri tərəfindən həbsi, cinayət təqibi və digər təzyiqlərə məruz qalması hallarında onların müdafiəsi məqsədilə Rusiya ordusundan istifadə edilməsinə icazə verən qanunu imzalayıb.
TodayPress TV bu barədə TASS agentliyinə istinadən xəbər verir.
Sənədə əsasən, ölkə başçısı Rusiyanın iştirakı olmadan fəaliyyət göstərən xarici və beynəlxalq məhkəmələrin təqiblərindən rusiyalıları qorumaq üçün Rusiya Silahlı Qüvvələrinin bölmələrini göndərə biləcək.
Bundan əlavə, qanunda qeyd olunur ki, Rusiya prezidentinin qərarı ilə dövlət orqanları da digər ölkələrin məhkəmələri tərəfindən Rusiya vətəndaşlarının həbsi, cinayət təqibi və digər təzyiqlərə məruz qalması hallarında onların müdafiəsi üçün tədbirlər görəcəklər.
