Lavrov: "Rusiya Türkiyənin imkanlarını dəyərləndirir"
Rusiya xarici işlər naziri Sergey Lavrov bildirib ki, Moskva, Rusiya ilə Ukrayna arasında danışıqların təşkili üçün Türkiyənin verdiyi imkanlara yüksək dəyər verir.
TodayPress TV xəbər verir ki, bu fikri o, Moskvada türkiyəli həmkarı Hakan Fidanla görüşündə səsləndirib.
"Prezident Vladimir Putinin qeyd etdiyi kimi, biz Türkiyənin Rusiya və Ukrayna nümayəndə heyətləri arasında birbaşa danışıqların növbəti mərhələsini keçirmək üçün göstərdiyi təşəbbüsləri yüksək qiymətləndiririk", – Lavrov vurğulayıb.
O əlavə edib ki, Rusiya və Türkiyə arasında diplomatik əlaqələr və vasitəçilik səyləri davam edir.
Türkan İsgəndərli
