Kanada Ukraynaya "AİM" roketləri verəcək
Kanada Ukraynanın hava müdafiəsini gücləndirmək və kruiz raketləri ilə təhdidlərə qarşı mübarizəni təmin etmək məqsədilə Ukraynaya AIM raketləri verəcək. Silahların artıq Ukraynaya çatdırılması prosesi başlayıb.
TodayPress TV "Ukrinform"a istinadən xəbər verir ki, bu barədə Ukrayna Müdafiə Nazirliyinin saytında məlumat verilib.
Məlumata görə, əlavə müdafiə dəstəyi məsələsi Ukrayna Müdafiə Naziri Mixaylo Fedorov ilə Kanada Milli Müdafiə Naziri Devid Makginti arasında keçirilən görüşdə müzakirə olunub. Ukrayna tərəfi Kanada Silahlı Qüvvələrinin ardıcıl və səmərəli dəstəyi üçün təşəkkürünü ifadə edib.
Nazirlik, həmçinin Kanadanın PURL təşəbbüsünə verdiyi töhfəni vurğulayıb.
“Proqram çərçivəsində son töhfələr genişmiqyaslı düşmən hava hücumlarının dəf edilməsində həlledici rol oynayıb,” nazirlik qeyd edib.
Ukrayna həmçinin proqram çərçivəsində bu il də davamlı dəstək gözləyir.
Həmçinin tərəflər dron istehsalının asanlaşdırılması və Ukrayna ilə Kanada hökumətləri və şirkətləri arasında, xüsusən dron idarəçiliyi sahəsində sənaye əməkdaşlığı perspektivlərini müzakirə ediblər.
Əməkdaşlığın digər vacib istiqamətlərindən biri də ukraynalı hərbçilərin təlimi, xüsusilə həyatların qorunmasıdır.
“Tərəflər təlim sisteminin transformasiyasını, o cümlədən ən yaxşı mütəxəssislərin digər şəxsləri hazırladığı bir modelə keçidi və təlim mərkəzlərinin təhlükəsizliyi artırmaq məqsədilə mərhələli şəkildə yeraltına köçürülməsini müzakirə ediblər,” - nazirlik bildirib.
Jalə Rövşən
