İspaniyanın əhalisi rekord həddə çatdı

İspaniyanın əhalisi tarixi rekorda imza ataraq 49,3 milyon nəfəri keçib.  

TodayPress TV xəbər verir ki, bu barədə ölkənin Milli Statistika İnstitutu məlumat yayıb. 

Qurumun açıqlamasına görə, ilin ikinci rübündə əhali sayı 119,8 min nəfər artaraq 49 milyon 315 min 949 nəfərə çatıb. Bu göstərici müşahidələrin aparıldığı dövrdə qeydə alınmış ən yüksək rəqəmdir. 

Məlumatda bildirilir ki, ölkə əhalisinin artımına əsas səbəb xaricdə doğulan şəxslərin sayının artmasıdır. Yerli doğum səviyyəsinin aşağı olduğu bir vaxtda, artım əsasən immiqrantların hesabına təmin olunub.  

Qeyd edək ki, hazırda İspaniyada təxminən 9,7 milyon immiqrant yaşayır. 

Aysel Mətləb