Fransada 300-dən çox etirazçı saxlanıldı
Fransada 18 sentyabrda keçirilən kütləvi etiraz aksiyaları zamanı 300-dən çox şəxs polis tərəfindən saxlanılıb.
TodayPress TV xəbər verir ki, Fransa DİN-in açıqlamasına görə, nümayişlərdə 500 mindən çox insan iştirak edib.
“Ümumi Əmək Konfederasiyası” (CGT) bu rəqəmin bir milyondan artıq olduğunu bildirib.
Xatırladaq ki, ötən gün bütün Fransa üzrə hökumətin sərt qənaət tədbirlərinə qarşı etiraz aksiyaları keçirilib. Səbəb kimi ölkədəki büdcə kəsiri və yüksək dövlət borcu göstərilir. Rəsmi Paris 43,8 milyard avro həcmində xərclərin azaldılmasını planlaşdırır. Yeni büdcə layihəsində pensiyaların və sosial ödənişlərin indeksasiyası nəzərdə tutulmur.
Qiymət Mahir
