Alyaska sakinləri Tramp və Putinin görüşünü dəstəkləyir
Alyaskada yaşayanlar ABŞ prezidenti Donald Trampın Rusiya lideri Vladimir Putinlə öz ştatlarında görüşmək qərarını ümumilikdə müsbət qarşılayıblar.
TodayPress TV xəbər verir ki, bu barədə "NBC News" məlumat yayıb.
Bəzi mənbələr Tramp və Putinin ölkə liderlərinə xas yaxşı şəxsi münasibətlər qurduğunu bildiriblər. Sakinlərə görə, sammitin Alyaskada keçirilməsi təsadüfi deyil. Bu ştat coğrafi baxımdan Rusiyaya ABŞ-nin digər ştatlarından daha yaxındır və görüş burada baş tutarsa, daha simvolik məna daşıyır.
Qeyd edək ki, Rusiya və ABŞ Prezidentləri avqustun 15-də Alyaskada görüşəcək. Danışıqlar Bakı vaxtı ilə saat 23:30-da başlayacaq.
Türkan İsgəndərli
