ABŞ İsrailə İranı vurmağı icazə verdi

ABŞ prezidenti Donald Tramp, lazım gələrsə, İsrailin İrana hərbi zərbələr endirməsinə "yaşıl işıq" yandırmağa hazırdır. 

TodayPress TV xəbər verir ki, bu barədə "N12" telekanalı İsrail hökumətindəki mənbələrə istinadən məlumat yayıb.

Məlumata görə, Tramp və İsrailin Baş naziri Benyamin Netanyahu arasında Ağ Evdə keçirilən qapalı görüşdə İrana qarşı yeni mümkün hücumlar məsələsi müzakirə olunub. ABŞ rəhbəri belə hücumların Tehranın nüvə obyektlərini yenidən bərpa etmək cəhdi ilə əsaslandırıldığı halda, buna dəstək verəcəyini bildirib.

İsrail rəsmiləri qeyd edirlər ki, Netanyahu Trampdan İranın nüvə proqramı ilə bağlı gələcək hərbi və diplomatik ssenarilərdə razılaşma əldə etməyə çalışır. Buraya nüvə obyektlərinə yönəlmiş zərbələrin əsaslandırılması məsələsi də daxildir.

Türkan İsgəndərli