Paşinyan yeni il müraciətində Azərbaycanla ticarətdən danışdı
Ermənistanın Baş naziri Nikol Paşinyan Yeni il müraciətində Ermənistan və Azərbaycan arasında ikitərəfli ticarətin ilk əlamətlərini açıqlayıb.
TodayPress TV xəbər verir ki, o, bu fikirləri təbrik mesajında səsləndirib.
Onun sözlərinə görə, regionda dəyişikliklər baş verir və müstəqillikdən bəri ilk dəfə olaraq qatarlar Azərbaycan vasitəsilə Ermənistana yük daşıyır.
"Azərbaycanla ikitərəfli ticarətin ilk əlamətləri ortaya çıxır və ilk böyük ticarət müqavilələri imzalanıb. Bu, hazırda yazılan yeni bir hekayədir, bu, dünyanın hekayəsidir", - deyə baş nazir bildirib.
Paşinyan vurğulayıb ki, bu hekayənin ilk aktının kulminasiya nöqtəsi 2025-ci il avqustun 8-də ABŞ Prezidenti Donald Trampın təşəbbüsü ilə Ağ Evdə Azərbaycan Prezidenti İlham Əliyevin iştirakı ilə keçirilən sammitdə Ermənistan və Azərbaycan arasında sülhün bərqərar olması olub.
Aysel Mətləb
