ƏDV-nin ləğvi qiymətlərə necə təsir edəcək?

"Əlavə dəyər vergisinin (ƏDV) ləğvi həm qiymətlərin enməsinə, həm də gələcəkdə qiymət artımının qarşısının alınmasına təsir göstərə bilər". 

Bu fikirləri TodayPress TV-yə açıqlamasında iqtisadçı Emin Qəribli deyib.

Onun sözlərinə görə, ƏDV üzərində işləmək lazımdır və burada diferensiasiya aparılmalıdır:

"Bəzi məhsullar üzrə ƏDV dərəcəsi azaldıla bilər və müəyyən məhsullar ƏDV-dən azad edilə bilər. Elə məhsullar var ki, buna ehtiyac duyulur. Həmçinin ƏDV-nin bəzi məhsullara müəyyən güzəştlərlə tətbiq olunmasına ehtiyac var". 

İqtisadçı əlavə edib ki, bu da, təbii ki, həm sahənin inkişafına töhfə verə, həm də qiymət artımının qarşısını ala bilər:

"Xüsusilə dərman məhsullarının qiymətində dəyişikliklər baş verə bilər. Vergi siyasəti düzgün qurulduğu halda həm bazarda canlanma yarada, həm də istehlakçılar üçün əlavə maliyyə yükünün azalmasına səbəb ola bilər".

Türkan İsgəndərli

TodayPress TV