ABŞ-nin keçmiş diplomatından XƏBƏRDARLIQ: "Dünya bu boğazdan asılıdır"
"Oman hazırda İranla dünya adından danışıqlar aparır".
TodayPress TV xəbər verir ki, bu sözləri ABŞ-nin Mərakeşdəki keçmiş səfiri və ABŞ Dövlət Departamentinin İran İşləri üzrə İdarəsinin keçmiş direktoru əvəzi Coi Hud "Al Jazeera"ya müsahibəsində deyib.
O qeyd edib ki, bütün dünya Hörmüz boğazından çıxan məhsullardan asılıdır:
"Aydındır ki, Körfəz iqtisadiyyatları, İraq öz iqtisadiyyatlarının həyati vacib elementləri olan neft, qaz, həmçinin gübrə və helium üçün bu boğazdan və oradan keçən gəmiçilikdən asılıdır".
Coi Hud bildirib ki, müharibədən əvvəl beynəlxalq su yollarının "gəmiçilik azadlığı" üçün açıq olacağı barədə anlayış var idi, lakin indi boğazdan keçmək xeyli çətinləşib.
"Gəmilərin ziyansız keçə biləcəyi bir vəziyyətə qayıtmaq üçün Oman İranın bunun üçün minimum tələblərinin nə olduğunu müəyyən etməyə çalışır", - deyə o əlavə edib.
Aysel Mətləb
