Musiqi və incəsənət məktəbi müəllimlərinin attestasiyası yekunlaşdı
Mədəniyyət Nazirliyinin tabeliyində olan musiqi və incəsənət məktəbi müəllimlərinin 2025-ci il üçün attestasiyası yekunlaşıb.
TodayPress TV xəbər verir ki, proses ölkənin beş regionunda həyata keçirilib.
Bakı, Abşeron-Xızı, Mil-Muğan, Şirvan-Salyan və Quba-Xaçmaz regionlarında keçirilən attestasiya imtahanı 4 ay davam edib və ümumilikdə 4 min müəllimi əhatə edib.
Attestasiyanın gedişatı barədə jurnalistlərə açıqlama verən mədəniyyət nazirinin müşaviri Cəsarət Valehov bildirib ki, bu həcmdə imtahan prosesi Mədəniyyət Nazirliyi sistemində ilk dəfə gerçəkləşib:
“Musiqi-incəsənət mətkəblərində fəaliyyət göstərən təqribən 12-13 min müəllimin hamısı qanunvericiliyin tələbi ilə attestasiyadan keçiriləcək”.
O, digər müəllimlərin də attestasiyaya cəlb olunmasının 2026-cı ilin sonuna qədər yekunlaşdırılacağını vurğulayıb.
